ناصف سامو

اهلا بكم في منتديات ناصف سامو
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مسجات ليبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 168
تاريخ التسجيل : 11/01/2009
العمر : 33
الموقع : www.nasefsamo.yoo7.com

مُساهمةموضوع: مسجات ليبية   الجمعة فبراير 06, 2009 4:09 pm

مسجــــــــــــــــــــــــــات ليبية صقع \

طقه طقه "" اشبح غلاك اليوم تامم حقه و مزال ياما اتشوف !طقه طقه !
***
ضربه بضربه """ عايش حياتى بلاك هم و كربه و انت كلامك سم ضربه! بضربه
***
وينك يا مدهوب الشيره حبك ولع نار كبيره وين ايامك جافى ما دزيت سلامك مشتاقين حديت كلامك من مده مقطوع السيره تواضع ما ترفعش مقامك متخليش اخطاك قصيره
***
ويش اخبارك ؟ ياللي عليك العين دوم اتعارك " تريد تنضرك لكن بعيده دارك !
***
عندك علم؟ ايام الزها و الصوب تمن فلم تعال احظرا !!
***
نص اهموم ...! ونص علايل ... مية طن الخاطر شايل
***
شاور شيره .... مرات نعدرك ونقول فيها خيره .. انكانك نويت الهجر .. شاور شيره
***
من يقدرها ؟ لزت طيور غلاك يا موعرها بعد سكنتك فى القلب
***
صوت وصوره هلى بعيد الدتر مانا شوره ايجى فى منام الليل
***
شــــــايل غلاك و طيفه .. .. لو كان جســـر الكوف شايل كيفه ... راه منحــــني !
***
مرات يزهى خاطري و دليلي......ومرات يا نفسي عليا اتميلي
ومرات نبقى باهي ........ ومرات نبقى في همومي لاهي
ومرات حتى الشين عندي باهي....ومرات حتى الزين ما نرعيله
***
ما تروم خطاك لاهى على ميحك اتميح امعاك
ان جيت بالغلا و القدر ما يغباك ،،، تاخد
القدر وفوق من مطلوبك .... لكن !! معاها
كان قل و فاك ؟؟ خلاص تتركك دور عرب يشقوبك
ــــــــــــــــــــــــــــــــــ
يا ظالم الحب بالشك و على النقص بانى ضنونك ..
اوصول الغلا موش هك .! شكك ايسبب اغبونك
اللي تامنه ايدوم لك و اللي اتخونه يخونك
و الشك كيف الحســــــــك .. بلا مواخده ... فى عيونك ..
ــــــــــــــــــــــــــــــــــ
ما تروم اعيوبك اتموت بالعطش تهلب غدير اشبوبك
اتعيش بعزه ودكراك ان جاها تطرده و تلزه ..
ـــــــــــــــــــــــــــــــــــــ
معاد تسوه باره ولا عاد تستاهل غلا و كباره و اللى نقص
معروف تبرد ناره و حتى الدلال ايجيك يوم اتمله
و الدهر ما تنفع معاه شطاره و كيف ما عقدت الحبل راك اتحله
ــــــــــــــــــــــــــــــــــــــ
الصاحب اللي مايجيك وان الشده قولّت ايش حالك من بعيد اتسده
ـــــــــــــــــــــــــــــــــــــــــــ
تفنا الدنيا ومانهون غلاكم
ولاغيركم نعشق ولانلقاكم
تفنا الدنايا وما نهار يوم ناسيكم
تفناالدنيا وانتم على البال ذاكرينكم
تفنا الدنيا ......
ــــــــــــــــــــــــــــــــــــــــــــ
من اجل عيونك تبسمنا ومن اجل رموشك ارسلنا
ولو ماكنت غالي والله ماتشوف رسائلنا
ـــــــــــــــــــــــــــــــــــــــــ
الناس راقده وأنا قليل رقادي
الروح هايمه والعقل عندك غادي
ــــــــــــــــــــــــــــــــــ
مرات نحسبها ان قول اتسير ومارت نحسبها
ان قول امغير امهيات عطشان شاف السراب غدير
ــــــــــــــــــــــــــــــــــــــ
عزانا في صدام
شديد
صباح العيد
احتسبا يا مولي شهيد
ــــــــــــــــــــــــــــــــــــــ
عزانا فى فارس بغداد** اللى راح فى فجر العيد
عزانا فى بندر عواد** وبرزان وبن عم مجيد
اللى كانو قاده البلاد **وصارو بين اقفاص حديد
محاكم والقاضى جلاد **مهازل وصفه العقيد
ـــــــــــــــــــــــــــــــــــــــــــــــ
مازال فيكم شوقى ومازال يجرى دمكم فى عروقى
ومازال رفقتكم ذهب فى سوقى
امرايف عليكم دوم مو ناسيكم
ــــــــــــــــــــــــــــــــ
سلامين ياصاحبي ...سلام نردة ..
سلام شوق لصحاحب عزيز انعزه..
سلام شوق مافيه يوم ريح تهزة ..
سلام دوم ياللى كيف خوك تعده ........

يشبه نهار القبلي
صهد وعجاج وريح منهن مبلي
نهار غيبتك يشبه نهار القبلي .
---------------------------------------
فاقد حسه.
له زمان لاصبح علي لا مسا.الله يدكره بالخير
---------------------------------------
علي ما شرب ما راق عطشان حب مازال خاطري
---------------------------------------
الله لا يجيب نهار اعزاز فيه يبقو لغيرنا
---------------------------------------
خلاني العزيز رماد مغير فيش يا نار والعه
---------------------------------------
يلي غلاكم حاجه كيف النفس للروح نا محتاجه
لا تبعدو يلي غلاكم حاجه
---------------------------------------
ديما وقت النوم وعزه عندي فزه يخطر زول عزيز انعزه.
---------------------------------------
نص بنص لا نبي غيرك لا غلاك انقص
قاسم معاك الروح نص بنص.
---------------------------------------
شاور شيره مرات نعدرك وانقول فيها خيره
كانك نويت الهجر شاور شيره.
--------------------------------------
مازال سامر منه على ماأنداوي ماتلايم كنه اعزاز جرحهم ...........


خان غلاي وقسمي لطه** ***خنجر بين اضلوعي حطه


ياجياب نبا فرقاهم** **ياريتك عديت معاهم


يا جياب نبا الغوالي** : **ياريتك ما قلت الوالي


هداهدود الي خبرها *** **جاب نبا العزيز قهرها


عزيز اقسامه ريح خريف** **ايطلطن ماتعرفهن كيف


نا والعين شقانا زايد *** *ترقيع البايد بل البايد


عندي عل المرهون دلاله* **نغمزله قدام اعياله


يا مرهون مراتك نيه** **كيف انجيها تفرح بيا


الحوش الي قالو ما انجيه** **ما اندير اعويله الافيه

الخاطر جرحه ما داووه***********علي كل اسبيتار رموه
الخاطر طول الليل ايجض ****وهلنا يحسابوه مرض
الخاطر من قلة دبار*******يكبر في نار على نار

اللى جبنونة كى القمر *** علينا ياعينى خاطر
عيون اللى مربى ع الليد *** ايبوع واحى صيد بعيد
حشيشة عندى فيه طلال*** كشكا قاموه العقال
صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس

دروجه بودور زناكيل *** صعب مايرقوهنش عويل
وين انقول خلاص ارتحنا *** يخطر زول اللى جارحنا
زولك خطر ناس اقدم **** زها ما لنا غير بهم
خديته ياكاحل لنضار *** جيت قبوله بالمنظار
كان على صوبى لايمتى *** ماعندى حاجة غير انت

كان خطر ماني قايل لك---ابكى نين اتفشي غلك
فوق ارموش العين مكانك -----بيدك خفيته ميزانك
الي ما قاس النار ايقول----امغير اصبر شده وتزول
سيل الياس خذاناسرقه----لا غيم لا شكع برقه

انت عينك عين اللى عين ***حدر شال الصيد بلتنين (( 2 ))

يابودبلج فيده لق *** حسه شق الخاطر شق

عينى كيف الثوب البايد*** تهفى ع اللولاف بزايد

كبيرة ياحناى الكف *** خروجك من قدام الصف

وكال العشبة الرهيفة *** جبتى واجد من توصيفه

قاضي الياس غلانا ضره*********حكم اعدام من اول مره
ما اتقولوش العين حنونه ********خاينها ودافع دونه
مبروك ياعزيز عليك*******ادراجك الي راقيلهن
لوكان عزيز اتجيبه دمعه******نبكىمن الجمعه للجمعه

انتى سبايبه ياعين ---------غلا عزيز لو لاك ما رسم
اعزاز مالكين العقل ------ينساهم منامه ايجيبهم
العقل ما ينام الليل------سطير جرج لولاف سمره
العقل يا ابعاد الدار -----يمسى معاي ويبات عندكم
الدمع ما ايجلى الياس------ايزيدكن ارياف وتنعمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nasefsamo.yoo7.com
 
مسجات ليبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ناصف سامو :: قسم واحة المسجات والرسائل-
انتقل الى: