مواقف الكوجينة الليبية..شوفو بنات ليبيا

الموقف الاول؛؛؛؛؛؛؛؛؛

شن حالكم فى هالصقع

كل واحد او واحدة منا فى الكوجينة يتعرض لحوادث

زيني أنا مثلا كل اسبوع ضروري ما اندير فالطة

انقوللكم على المواقف اللي صارتلي

الموقف....

أول مرة درت فيها المحشي انسيت الرز والمرة الثانية انسيت الملح والمرة الثالتة انسيت اللحم

طبعا {جل ما لا يخطأ} وتوا عاد وليت فالحة فيه


الموقف الاخر... .

لما تنثر عليا الزيت فى شهر رمضان وهذا الحادث مش راح ننساه طول عمري على خاطر اتشوهت

على خاطر باش نرضي خوتي

الاولاد وانديرلهم حاجة حلوة وطبعا قاعدة بعض من أثار الحادث لليوم

الموقف الملذع....... .

لما انسيق تحت الثلاجة باستني الثلاجة بوسة عالمية قريب رفعتني للرفيق الاعلى {هذا صار فى

الاسبوع اللي فات}

الموقف المفجع .......طاحت الثرية قدامي{الحمد لله ما كنتش تحتها } أثناء مزاولتي لعملي متاع

الحوش وهو تنظيف المطبخ

الموقف المبكى......

أول مرة انطيب فيها دحية بالطماطم من 5 والا 3 سنين طبعا ما عنديش نية هاذاكا اليوم

طبعا حطيت الزيت وخليته لين مات وبعدين حطيت الطماطم شوره فيه شوية امية والنار قوية

بعدين دورة نلقى حاجة حمراء واصلة للسقف {مع العلم ان اسقفنا عالي} لين اقعدت انشوف فى

شريط حياتي يمر قدامي

غير شوفوا شن صار بدل ما انحول الطاوة من على النار امشيت لأمي وخوتي الاولاد انقوللهم تعالوا

الكوجينة انتشت فيها النار

طبعا جو فرق الاطفاء{أمي وخوتي}وقاموا بعملية الاطفاء


وطبعا لا تخلو كوجينة من حوادث السكين {الموس }


وتوا جي دوركم

احكولي على مواقف صارتلكم فى كوجينتكم

الموقف الثانى؛؛؛؛؛؛؛؛؛

ههههههههههههههه الموضوع ايهبلللللللللللللللللللللللللللللل

هادا ياستي يابني وياحنه لما كنت صغيره كنت ديما انحب انفرفش علي المطبخ من صغري (((

وياريتني ما اتعلمت )))) المهم لما كنت في الصف الخامس ابتدائي (( انا مواليد 84 وانتم

احسبو )) كنت نستنا في ماما تمشي للمدرسه ونخش نجري للمطبخ نركب علي كرسي ونزل

المواعين من السكافالي ولا العلاقه بتع الماعين ولا ما نعرفش شنو اتقولولها المهم انحطهم في

الحوض ونبدا اندير في روحي نغسل فيهم من جديد وطبعا الغسل حدث ولا حرج

الموقف التاني

مره كانت ماما اطيب في قلايه وانا كنت في الصف السادس المهم خشيت للمطبخ وقلت زعما كان

ناخد دقيق ونحطه شنو ايصيرلها اكيد اتولي امليحه وعزقت عزقه امقومه في هاديكا الطنجره ودرت

روحي انحرك فيها وطبعا لما فسدت معرفتش شنو اندير امشيت قويت عليها النار وخليتها انحرقت

وشوشطت امليح ودرت روحي لقيتها امشيطه وصبيت عليها اميه في الحوض وامشيت نجري لماما

وطبعا بالخبره ماما زبطت الموقف ومنحكيلكمش

الموقف الاخير حتا هوا لما كنت صغيره في رمضان امدايره روحي انوتي مع ماما في الفطور ماما

امشت اتصلي وانا امشيت نجري علي الشربه بنصبها وتبزعت كلهااااااااااا ومانحكيلكمش بابا اهم

شي عنده الشربه وخديت طريحه امقومه زي ما ايقولو رباشت القبور ههههههههه والله ماننساها بكل

الموقف الثالث؛؛؛؛؛؛

ياسلاااااااااام عندك عذر صغيرونة لكن شن اتقولوا علي وحدة خلطت عملة الزيت من هاديك علي

عملة الاختراعات من هادي ويا سيدك بن سيد ويا محفوظ الراي والسلامة قالك مرةاوخيتي الله

يحفظها هي اصغر مني لكن بتتزوج قبلي وما عندهاش في المطبخ هلبة قالت لك خلي ناخذ علي

الكوجينة شوية قلتلها باهي جابت كتاب طبخ عندنا قديم وفيه حلويات هيا نجربوا العوامات مكتوب

دقيق زيرو ورشة ملح تعجن بالمية ثم تقلى في الزيت ثم تسقط في القطر /العسل يعني. قلتلها باهي

ورخيصة ما تكلف شي لكن لقمة القاضي فيها BPلقيت روحي اني اللي نعجن مش هية وحطيتلك

BPوبديت نقلي وهي تتفرج عبيت القلاية بكريكيبات العجينة وتسخن ويبدا القصف علي وجهي قريب

جت في عيني غير ربك ستر الحمد لله/////// وللفايدة حطيت بطاطا مبشورة علي وجهي بعد ربع

ساعة امية ثم الايام اللي بعدها عسل وبماطة حرق بالتناوب ومكيف صبح وليل وخوي لبسني نبعتوا

لفلان /خطيبي. يدير مقابلة مرة تانية بالك خلاص معاش يبيك !!!!!!!!!!!!!!!!!!!!!!!!!والحمد

لله مشي اثرها كله

مع تحيات ناصف سامو